لو كنت بتفكر في الهجرة لالمانيا فلازم تتعلم لغة المانية ، كل المصادر اللي حتساعدك تتعلمها هنا

-عايز أسافر ألمانيا أتعلم أو أشتغل،ومحتاج أتعلم ألماني..بس مش معايا فلوس كفاية أو معنديش وقت لظروف الشغل والبيت عشان أروح كورسات..

-بسيطة..عليك بالكورسات المجانية علي الانترنت ..

-موقع دويتشه فيله بيقدم كورسات مجانية لكل المستويات من الألف الي الياء..

ده لنك المستوي الأول A1 http://www.dw.de/deutsch-lernen/deutschkurse/s-2068

المستوي الثاني A2 http://www.dw.de/deutsch-lernen/lernangebote-f%C3%BCr-das-niveau-a2/s-13213

المستوي الثالث B1 http://www.dw.de/deutsch-lernen/lernangebote-f%C3%BCr-das-niveau-b1/s-13216

المستوي الرابع B2 http://www.dw.de/deutsch-lernen/lernangebote-f%C3%BCr-das-niveau-b2/s-13217

المستوي الخامس C1 http://www.dw.de/deutsch-lernen/lernangebote-f%C3%BCr-das-niveau-c/s-13218

-وفي موقع تاني للمبتدئين Deutsch-lernen.com ممكن يساعدك جنب دويتشه فيله..كمصدر ثاني مش أساسي.. وده اللنك بتاعه http://www.deutsch-lernen.com/learn-german-online/beginners/summary.php

-وممكن موقع BBC يساعدك شوية بس في المرتبة الثالثةhttp://www.bbc.co.uk/languages/german/talk/

-مش هاحتاج غير دول بس ؟

-لأ لسه المشوار طويل..نيجي لكل نقطة بالتفصيل..

-الجرامر ..الألماني تقيل شوية في القواعد،أدوات الكلمات،الأفعال،حروف الجر،الحالات اللي بتيجي معاها،طريقة تكوين الجملة وامتي تتغير.هتبقي محتاج شرح تفصيلي موسع لكل درس من البداية للنهاية،وتمارين تقيس مدي تقدمك واستيعابك.دي لنكات بأفضل المواقع اللي ممكن تساعدك..

-ده كنز ،كل درس بشرحه وأمثلته وتمارينه،استيعابك لكل مافيه،معناه اتقانك للألماني وكأنك روحت أحسن كورس في أحسن مكان مع أحسن مدرس ألمانيhttp://www.mein-deutschbuch.de/lernen.php?menu_id=1

-وده بيشرح الجرامر بلغة مبسطة أكثر وبيربطها بالمواقف اللي ممكن تقابلك في ألمانيا،وأهم الموضوعات المطروحة علي النقاش السياسي والثقافي،يعني مش بس هتطلع بجرامر ،كمان بثروة لغوية جيدة..http://www.deutschegrammatik20.de/grammatikubungen-zu-aktuellen-themen/

-ودي مواقع تانية هتساعدك بشكل كبير..

http://donnerwetter.kielikeskus.helsinki.fi/DVG/Verben/de-Verben-Index-Seite.htm

http://www.grammatiktraining.de/uebungen.html

http://www.dlc.fi/~michi1/uebungen/

http://www.schubert-verlag.de/aufgaben/uebungen_c1/c1_uebungen_index.htm

- الكلمات..أسهل طريقة عشان تزود حصيلتك اللغوية هي القراءة..هنا انت محتاج كتب تعليمية بتشرح لك كل موضوع السياحة،السفر،الأكل،الحيوانات،اعضاء الجسم،الأجهزة الكهربائية،مكونات البيت..كل شئ ممكن تحتاجه من الكلمات الألمانية..

الويب سايت ده هتلاقي عليه كل الكتب التعليمية لكل المستويات وتحميل مجاني

http://almanii.blogspot.de/

وفي مواقع تانية ممكن تفيدك في حصيلة الكلمات في البدايات..

- الموقع ده عليه قصص بلغة تناسب المبتدئين،مرتبط بدروس الجرامر وكل مستوي انت وصلت له،وعليه أسئلة ونماذج اجابات تقيس مدي قدرتك علي استيعاب النص

http://www.stories.uni-bremen.de/sprachfoerderung/sprachfoerderung.html

-دار نشر هوبر اللي بتنتج كتب معهد جوته Tangram,Ziel منزلة مجانًا حوالي 60 قصة تناسب المبتدئين http://www.hueber.de/seite/downloads_lesetexte_daf

-وأكيد هتحتاج مع القراءة قاموس..ودول أفضل اتنين..

http://www.duden.de/woerterbuch

http://de.thefreedictionary.com/

-الكتابة..كل امتحان هتعمله في جوته عشان تاخد شهادة من ال 3 دول B1,B2,C1 هتكون مُطالب انك تكتب..الموضوعات تتفاوت في صعوبتها مع كل امتحان..من كتابة قصة بسيطة عن موقف لغاية موضوع عن التنميط الثقافي..الموضوع شكله صعب..بس طالما انت عندك حصيلة لغوية وتمكنت من القواعد..لازم تفرغ نفسك كل أسبوع مثلًا لكتابة أي موضوع يجي في بالك أو هتشوفه في الكتب اللي درست منها أو المواقع اللي بتذاكر من خلالها..

-الويب سايت ده فيه ماتيريال ممكن تساعدك..

http://www.aufgaben.schubert-verlag.de/

-السماع..أكيد محتاج تسمع اللغة زي ما أهلها بينطقوها..في البداية هتكون صعبة..هتحس انك في حياتك عمرك ما هتتعلم أبدًا..بس بالتدريب ومع تمكنك أكثر من الكلمات والقواعد..هتبدأ الأمور تكون أسهل..

-معهد جوته القاهرة عمل بالاشتراك مع قناة النيل التعليمية برنامج رائع للمبتدئين موجود علي اليوتيوب بتقدمه فراو هدي يوسف اسمه Deutsch macht Spaß 14 حلقة ودي أول واحدة منهم والباقي دور عليه

https://www.youtube.com/watch?v=F2PqurJZmvY

-وده مسلسل أنتجته دويتشه فيله اسمه Jojo sucht das Glück هيعلمك النطق والكلمات حسب المواقف في حوالي 50 حلقة وده لنك أول حلقة والباقي دور عليهhttps://www.youtube.com/watch?v=A5xmAlPXBBM

-ودي سلسلة من مسلسل كوميدي مبُسط في حوالي 20 حلقة لتعليم الألماني بعنوان
Deutsch lernen Extra auf Deutsch دي أولهمhttps://www.youtube.com/watch?v=QH8PQS5Xn30

-ودي سلسلة فيديوهات رائعة فيها شرح بالعربي لنطق الحروف وتكوين الجملة وبعض القواعد https://www.youtube.com/watch?v=859mm7vuAiI

طبعُا بالتعود،ومع اتقانك اللغة أكتر،هتبقي محتاج قراءات تانية ومصادر سماع تانية..وهنا طبعًا الجرائد الألمانية وبرامج التوك شو،والأخبار هتلعب معاك الدور الأكبر..

-لو عملت كل ده ممكن أتعلم؟

حسب شخصيتك..لو شفت الكلام ده كله وحسيت بمجرد القراءة ان الموضوع معقد ومش هيجيب نتيجة..أكيد مش هتتعلم..لو قرأت الكلام وفتحت اللنكات وحطيت لنفسك جدول يومي ولم تيأس من أول عثرة..صدقني بعد كام شهر هتجني أول حصادك،ومع الوقت مش هتبقي أقل من حد راح دفع عشرات الاف في كورسات..أعرف بدل الواحد 4 من أصدقائي بيشتغلوا دكاترة في ألمانيا والنمسا ومراحوش معهد جوته الا عشان الامتحانات..واتعلموا بنفس الطريقة اللي فوق..تعليم ذاتي من الألف للياء لأن مكنش معاهم فلوس..نجحوا وبنوا مستقبل عشان عندهم ارادة وبس..وده المطلوب منك مش أكتر..

ومش محتاج أقولك أن اللغة الألمانية لوحدها كنز..اثراء لثقافتك أولًا..وثانيًا لأن مرتباتها في مصر عالية مقارنة باللي هتاخده من شهادتك الجامعية..من 3000 جنيه شهريًا وانت طالع..في النهاية برضه انت الكسبان

بالتوفيق

‫#‏الطريق_إلي_ألمانيا‬

#ملكش_حجة

#شير_في_الخير

ملكش حجة مبادرة نشر العلم بالمجان
engasm89