ازاي أنظم وقتى

كلنا بنحاول نذاكر بس مابنعرفش ننظم الوقت او نكمل

عشان كده   حد اسمه فرنسيسكو سيريللو

اخترع طريقة لتنظيم الوقت اسمها طماطم

الفكرة من الطريقة  انك تذاكر 25 دقيقة وبعدها تريح لمدة 5 دقائق وتبدء بعدها تانى

زيهم لحد اربع مرات ولو هتكمل بعد اربع مرات تاخد فترة راحة اكبر 15 دقيقة

اولا : حدد اللى انت عاوز تعمله يعنى اول جزء عاوز تخلصه او مهمة
ثانيا : اظبط العداد على 25 دقيقة

وده يتجاب منين لو انت عاوز العداد فعليا ممكن تشتريه من على الموقع بتاعهم

http://pomodorotechnique.com/

او لو انت مش بتاع شراء وكلام من ده خليك معايا كمل لحد تحت

ثالثا : تبدء تشتغل طول المدة مع البعد التام عن كل المشتات
رابعا : تاخد استراحة تعمل فيها اى حاجة تانى وماتفكرش ف الشغل تماما

هتكرر الكلام ده اربع مرات وبعد كل مرة 5 دقائق استراحة

لو هتكمل اكتر من كده تاخد استراحة اكبر زى ماقلنا فوق من شوية

المفروض بيكون معاك عداد وعشان الدولارات دى حرام شرعا فانت هتستخدم الموقع ده

http://www.timeanddate.com/timer/

هتظبط الوقت زى مانت شايف وتختار صوت التنبيه

مش مضطر تعمل اكتر من عداد اعمل عدادين بس واحد ب 25

والتانى ب 5 دقائق ولما يخلص ابقى اعمله ريست تانى لكل واحد فيهم

طيب تعمل ايه ف ال5 دقائق الراحة

فى شوية اقتراحات

اولا : الخمس دقائق هيعدوا بنفس السرعة اللى هتفكر فيهم فماتفكرش

ثانيا : ابعد عن المكان اللى انت شغال فيه تماما

ممكن تعمل اى اعمال يدوية بسيطة زى انك ترتب حاجة ف الاوضة

او تتمشى تجيب كوب مياة

او تأكل حاجة صحية خضراوت فواكه

المفروض انك تبعد عن كل المشتتات وأولهم الفيس بوك

لو مش عارف تقفله ممكن تستخدم http://www.facebooklimiter.com/

المصادر

http://shn2olak.wordpress.com/

http://pomodorotechnique.com/