لو عايز تتعلم إنجليزى هنا الطريقة

لو عايز تتعلم إنجليزى بجد يبقى لازم ممارسة، حاول تعمل الـ4 خطوات دول:
1. كل يوم الصبح إفتح النت وإقرأ مقال بالإنجليزى عن المجال اللى إنت بتشتغل فيه، حاول تفهم كل كلمة فيه وتركز فى المصطلحات اللى فى المقال ده. إعمل الموضوع ده بإنتظام لمدة شهرين، بعد ما الشهرين دول يخلصوا هتلاقى نفسك أولًا الإنجليزى بتاعك إتحسن كتير عن الأول وبقى عندك علم بالمصطلحات وطريقة تكوين الجمل والكتابة وكدة، وكمان هتلاقى عندك كم معلومات كويس جدًا عن المجال اللى بتشتغل فيه.
2. بعد الشهرين دول، إبدأ إتفرج على محاضرات فى مجالك بالإنجليزى، أو أفلام وثائقية، وحاول تفهم الكلام من غير ما تقرأ الترجمة، بس بردو خلى الترجمة معاك عشان لو وقفت فى حاجة. بكدة هتبدأ تتعود على فهم اللغة بالسمع مش بس بالكتابة. إسمع كل يوم نص ساعة بس، وبردو إعمل الخطوة دى بإنتظام لمدة شهرين.
3. بعد كدة إبدأ اتفرج على محاضرات وأفلام من غير ترجمة، طبعًا هتحس شوية فى الأول إنك بتبذل مجهود بس بعد شوي هتلاقى الموضوع بقى بسيط جدًا بالنسبة لك.
4. بعد كدة لازم تبدأ تمارس اللغة مع ناس بتتكلمها كويس، فيه بعض المراكز الثقافية التابعة للسفارات بتعمل جلسات نقاش بالإنجليزى، حاول تشارك فيها
وأخيرًا، اللى عايز يتعلم حاجة بيتشقلب ويتعلمها، المهم بس كفاية إنتخة
منقول
اللينكات دي بقي من عندي وفيها الخلاصة
ده لينك علي جوجل درايف هتلاقي فيه كل اللي انت عايزه سواء فيديوهات او تويفل او مقالات او محادثات من اول الصفر لحد الاحتراف .. اكثر من رائع
https://drive.google.com/folderview?id=0B0DlscK73tVATERVRzlLbFdEWmM&usp=sharing
وده موقع رائع جدا
http://www.english4arab.net/
وده هتلاقي فيه افضل الكتب والمراجع بتحميل مباشر و سهل ..
http://www.englishforarabs.com/BooksandReferences.html
ده هتلاقو فيه 100 فيديو لاحدث العلوم اللي وصلها الغرب ..
ايوة يعني ايه علاقة ده بالموضوع
الفيديوهات دي مترجمة الكلام بالعربي وبالانجليزي .. الفيديو من 5 الي 20 دقيقه .. دي احسن طريقة انك تقوي نطقك للانجليزي وبردو سمعك للحروف .. لانك هتسمع الكلمة ونطقها وترجمتها .. ف ده هيفيدك جدا وعن تجربة
http://goo.gl/kIBvdC

‫#‏الباحث_عن_الحكمة‬
‫#‏ارسم_مستقبلك‬
‪#‎Summer_training_and_jobs‬